وقف القلم والحبر جف سكت الكلام .. الكل قام
نزل الستار ومع الاسف الليله كان حفل الختام
والمسرحيه بتبتدى وبتنتهى وبتبتدى وبتنتهى
والشر داير يشتهى يزرع م الفرحه الالم
وعيون مدينتى سهرانين والقمر من فوقها غاب
يكسره الليل الحزين تجرى وتضمه السحاب
والطريق ميت الف توهه والحوارى مسكنه فيها العذاب
والسؤال مين اشتروها ارضنا؟ ومين بعوها بالتراب
سأل الغريب مين فلسطين الحزينه ........ سؤال غريب
يمكن يكون اسم لمدينه ؟؟ .... يمكن تكون ارض الحبيب
مش دى اللى فيها بيتولد طفلى الرضيع شايل سلاح
مش دى اللى فيها بيتوئد حلمى اللى مكسور الجناح
مش دى اللى كانت تتقصد لو يوم نحيى على الفلاح
اسف خلاص مش هتلاقيها مفيش خطاوى بتمشى فيها
دم الشهيد مالى البراح
مفيش مكان... الكل فوق كف الرحمن
كله متطعم ايمان.... صوت الرصاص بدل الادان
والحلم نار... والموت ميطلبش استئذان
والكل بيصقف ويبكى ... م النهايه
قولولى مين يوصف و يحكى... ف احداث الروايه
قولولى مين
موضوع: سكت الكلام.. يا فلسطين 
الأربعاء 29 ديسمبر 2010 - 19:25
